ATƏT-in Minsk Qrupunun həmsədrləri və ATƏT-in hazırkı sədrinin şəxsi nümayəndəsi Anjey Kaspşik ötən gün Strasburqda Ermənistanın xarici işlər naziri Vardan Oskanyanla görüşüblər.“PanARMENİAN”-a agentliyinin məlumatına əsasən, görüşdə nizamlanmanın prinsiplərinə dair fikir mübadiləsi aparılıb. Bununla yanaşı, tərəflər ATƏT sədri Migel Anhel Moratinosun iyunun 4-5-də regiona səfərini müzakirə ediblər. ATƏT sədrindən əvvəl isə həmsədrlərin regiona səfəri nəzərdə tutulur. Bunun ardınca Azərbaycan və Ermənistanın xarici işlər nazirləri bir araya gələcək. Bütün bu səfərlərin nəticəsindən asılı olaraq, Azərbaycan və Ermənistan prezidentlərinin iyunun 8-10-da Sankt-Peterburqda keçirilməsi nəzərdə tutulan görüşünün baş tutub-tutmayacağı məlum olacaq.